പുനലൂര്‍ സോമരാജന്‍ എന്ന വ്യക്തിയുടെ ജീവകാരുണ്യ ചിന്തയില്‍ നിന്നാണ് ഗാന്ധിഭവന്‍ എന്ന മഹാപ്രസ്ഥാനം നാമ്പെടുത്തത്. കൊല്ലം ജില്ലയില്‍ പുനലൂരിലെ ഒരു ഗ്രാമത്തില്‍ ജനിച്ച സോമരാജന്റെ മാതാവ് ശാരദ അദ്ദേഹം എട്ടാം ക്ലാസ്സില്‍ പഠിക്കുമ്പോള്‍ത്തന്നെ മരണമടഞ്ഞു. വേദപുരാണങ്ങളിലൊക്കെ സാമാന്യജ്ഞാനം നേടിയിരുന്ന മാതാവ് ദാനശീലയായിരുന്നു. നഗരസഭാ ജീവനക്കാരനായിരുന്ന പിതാവ് ചെല്ലപ്പനും ഇതേ ശീലക്കാരനായിരുന്നു. തെരുവില്‍ അലഞ്ഞുതിരിഞ്ഞ മാനസികരോഗികളെയും മറ്റും വീട്ടില്‍ കൊണ്ടുവന്ന് മുടിവെട്ടി കുളിപ്പിച്ച് ശുചിയാക്കി വസ്ത്രവും ഭക്ഷണവും നല്‍കുന്നത് പിതാവ് പതിവാക്കിയിരുന്നു. അങ്ങനെ മാതാപിതാക്കളില്‍ നിന്നും കിട്ടിയ പൈതൃകസ്വത്താണ് സോമരാജന്റെ ഹൃദയത്തില്‍ നിറഞ്ഞ ജീവകാരുണ്യം. ഒരു വ്യക്തിയെ അനാഥനാക്കുന്നത് എന്താണ് എന്ന ചോദ്യം കുട്ടിക്കാലം മുതല്‍ തന്നെ അദ്ദേഹത്തെ അലട്ടിയിരുന്നു. ആ ചോദ്യത്തിന് ഉത്തരം കണ്ടെത്താനുള്ള ശ്രമമാണ് ഗാന്ധിഭവന്റെ രൂപവത്ക്കരണത്തില്‍ കലാശിച്ചത്. Readmore...

ഗാന്ധിഭവനിൽ ഞങ്ങളുടെ ഉപദേഷ്ടാവ് പദ്മശ്രീ ഡോ. യൂസഫ് അലി എം എ യുടെ മാർഗനിർദേശവും അനുകമ്പയും എപ്പോഴും അനുഗ്രഹമായി ഒപ്പമുണ്ട്. നമുക്കെല്ലാവർക്കും പ്രചോദനമേകുന്ന എക്കാലത്തെയും ശക്തിയായി ഡോ. യൂസഫ് അലി എം എ ഗാന്ധിഭവൻ ഏറ്റെടുക്കുന്ന എല്ലാ പ്രധാന സംരംഭങ്ങളിലും മുൻപന്തിയിലുണ്ട്. അദ്ദേഹത്തിന്റെ അനന്തമായ ഉദാരമനസ്കതയോടും മാർഗനിർദേശത്തോടും കൂടിയാണ് ഗാന്ധിഭവനിൽ നാം നമ്മുടെ നിവാസികളെ പരിപാലിക്കുന്നതും സമൂഹത്തോടുള്ള അനുകമ്പയുടെ മാതൃകയായി സേവിക്കുന്നതിനുള്ള നമ്മുടെ കാഴ്ചപ്പാട് സാക്ഷാത്കരിക്കുന്നതും.കൂടുതലറിയുക